Þjónusta Sparisjóðsins í Mývatnssveit eftir 6. október

Sparisjóðurinn mun áfram bjóða fyrirtækjum upp á að taka á móti innleggjum og afhenda þeim skiptimynt í Mývatnssveit og er verið að kynna hlutaðeigandi aðilum nýtt fyrirkomulag á þeirri þjónustu.

Þá verður komið upp starfsstöð í húsnæði Þingeyjarsveitar að Hlíðavegi 6, sem verður opin fyrsta og þriðja miðvikudag hvers mánaðar, fyrsti opnunardagur á Hlíðarvegi verður 18. október.

Hraðbankinn verður að sjálfsögðu áfram í Reykjahlíð og er vakin athygli á að þar er m.a. hægt að:

• Taka út reiðufé
• Leggja inn reiðufé
• Millifæra
• Greiða reikninga á eigin kennitölu
• Skoða yfirlit

Þá má geta þess að áfram mun sama starfsfólkið svara síma, tölvupósti og taka á móti viðskiptavinum.