Fréttir af aðalfundi Sparisjóðs Suður-Þingeyinga ses. þann 2. maí 2022

Aðalfundur Sparisjóðs Suður-Þingeyinga ses. var haldinn á Fosshótel Húsavík þann 2. maí. Fundurinn var vel sóttur af stofnfjáreigendum og var virk og góða þátttaka á fundinum.

 Hagnaður af rekstri sjóðsins eftir skatta nam 36,9 milljónum króna á árinu 2021.  Eignir sjóðsins eru ríflega 11 milljarðar og hafa aukist um 12% frá fyrra ári.  Nam eiginfjárhlutfall 20,58% um áramót en eiginfjárkrafan er 17,44%.  Útlán jukust um 3,6% og innlán um 12,8%, lausafjárstaða er mjög góð.

 Samþykkti aðalfundur heimild til stjórnar um aukningu stofnfjár um 50 milljónir króna og hafa núverandi stofnfjáreigendur forkaupsrétt til 1. september 2022.

 Sparisjóðurinn veitti styrki á árinu 2021 fyrir um 1,9 milljónir króna.  En á aðalfundinum voru afhentir styrkir, annars vegar 1 milljón króna til Rauða krossins til stuðnings við komu flóttamanna á starfssvæði sjóðsins, hins vegar var afhentur 500 þúsund króna styrkur til Félags eldri borgara á Húsavík og nágrenni til að styðja við félagsstarfið sem hefur verið þessum hópi erfitt í gegnum Covid tímabilið.  Jafnframt verður afhentur styrkur til annarra félaga eldri borgara á starfssvæði sjóðsins í takt við fjölda félagsmanna og verður heildarfjárhæð styrkja til þessa verkefnis 1 milljón króna.

 Hjá sparisjóðnum starfa 12 starfsmenn á þremur afgreiðslustöðum, Laugum, Húsavík og í Reykjahlíð.  Sparisjóðsstjóri er Eyjólfur Vilberg Gunnarsson.

 Í stjórn sparisjóðsins voru kosin Helga Sveinbjörnsdóttir, Gerður Sigtryggsdóttir, Sigríður Jóhannesdóttir, Eiríkur Haukur Hauksson og Pétur Snæbjörnsson.  Til vara voru kosin Elísabet Gunnarsdóttir og Þorgrímur Daníelsson.