Einfalt og þægilegt í appi og Heimabanka
Stofnaðu reglulegan sparnað á einfaldan og öruggan hátt í í appi eða Heimabanka.
Þú velur nafn á sparnaðinn, ákveður upphæð og hversu oft þú leggur fyrir, til dæmis mánaðarlega. Restin gerist sjálfkrafa.
Einfaldara verður það ekki. Byrjaðu í dag að safna fyrir draumunum þínum, hvort sem það er utanlandsferð, nýr bíll, framkvæmdir eða eitthvað allt annað sem skiptir þig máli.
Viðskiptavinir geta sjálfir stofnað sparnaðarreikning í Sparisjóðs appinu og Heimabankanum.
Reglulegur sparnaður sem vex jafnt og þétt veitir meira svigrúm í daglegu lífi. Hann getur auðveldað að takast á við breytingar, til dæmis ef þú skiptir um vinnu, ferð í nám eða flytur. Þá er gott að hafa ráðstöfunarfé til taks.
Auk þess myndar reglulegur sparnaður öryggisnet fyrir óvænt útgjöld, svo sem ef bíllinn bilar eða annað kemur skyndilega upp.
Það þarf ekki að leggja fyrir háar upphæðir til að byrja með. Hægt er að taka lítil skref og auka upphæðina eftir því sem aðstæður leyfa.
Litlar upphæðir safnast fljótt upp þegar það gerist sjálfvirkt.
Í Sparisjóðsappinu getur þú sinnt öllum helstu bankaviðskiptum á fljótlegan, einfaldan og öruggan hátt.
Þú hefur yfirlit yfir stöðu reikninga og lána, getur millifært, greitt reikninga, greitt inn á lán, sótt PIN númer korta, dreift kreditkortareikningi, fryst debet- og kreditkort, stofnað þinn eigin sparnaðarreikning og reglulegan sparnað, skoðað rafræn skjöl eins og launaseðla og margt margt fleira.
Af hverju ætti ég að spara?
Það eru ýmsar ástæður fyrir því að spara. Hér má líta nokkrar ástæður:
Hvað er binditími?
Binditími kallast sá tími sem ekki er hægt að millifæra af bankareikningum og upphæð reikningsins situr því bundin inni á reikningnum. Þegar reikningur er óbundinn er hægt að millifæra af reikningnum hvenær sem er. Binditími og innvextir haldast í hendur, því lengri sem binditími er, því hærri eru innvextir reikningsins.
Verðtryggður reikningur eða óverðtryggður reikningur?
Verðtryggðir reikningar eru tengdir verðbólgu svo innstæða reikningsins hækkar eftir því sem verðbólga eykst til viðbótar við vexti reikningsins. Verðtryggðir reikningar geta hentað vel til langtímasparnaðar þar sem innstæða reikningsins fylgir verðlagi í landinu.
Langtímasparnaður eða skammtímasparnaður?
Það fer allt eftir því fyrir hverju er verið að spara. Langtímasparnaður hentar vel ef byrjað er snemma og markmið sparnaðarins er t.d. innborgun fyrir íbúð. Þá getur bundinn reikningur hentað vel upp á betri kjör. Skammtímasparnaður hentar hins vegar vel fyrir sumarfríinu t.d. utanlandferð og er þá best að reikningurinn sé óbundinn.
Mánaðarleg eða árleg greiðsla vaxta?
Á ákveðnum reikningum er greiðslufyrirkomulag vaxtagreiðslna tvennskonar, annað hvort eru þeir greiddir mánaðarlega eða árlega.
Get ég stofnað sparnaðarreikning í appi og/eða Heimabanka?
Já í appinu er það hægt undir „Meira“ og „Stofna reikning“. Í Heimabanka er það hægra megin undir „Yfirlit“ og „Stofna sparnaðarreikning“.
Get ég stofnað reglulegan sparnað sjálf/ur?
Í Heimabankanum getur þú farið undir „Millifæra“ og og valið „Framvirk greiðsla“. Þar velurðu svo dagsetningu og hversu oft á að endurtaka millifærsluna.
Sæktu appið
Senda ábendingu