Sparnaðarreikningar

Vaxtaviðbót

Vaxtaviðbót Sparisjóðsins er óverðtryggður innlánsreikningur fyrir einstaklinga og fyrirtæki sem vilja góða og örugga ávöxtun. Sérstaða vaxtaviðbótar felst í háum vöxtum, engum binditíma höfuðstóls og möguleika á vaxtavöxtum.

Óverðtryggður reikningur.
Óbundinn reikningur.
Vextir eru reiknaðir mánaðarlega og eru þá lausir til ráðstöfunar.
Engin lágmarks innistæða.
Vextir er breytilegir eftir innistæðu, en fimm vaxtaþrep eru á reikningnum.

Sækja um

Vaxtatafla

Bakhjarl 90 daga

Bakhjarl er bundinn, verðtryggður reikningur sem hentar vel fyrir þá sem vilja njóta ávöxtunar og binda upphæð sína í skamman tíma.

Verðtryggður reikningur.
Bundinn reikningur. Bakhjarl 90 daga er sambærilegur öðrum bakhjarls reikningum en er bundin í styttri tíma og má segja upp með 90 daga fyrirvara hvenær sem er og losnar þá í mánuð eftir að uppsagnafresti líkur.

Sækja um

Vaxtatafla

Bakhjarl

Bakhjarl er bundinn, verðtryggður reikningur sem hentar vel fyrir þá sem vilja njóta ávöxtunar og binda upphæð sína í ákveðinn tíma.

Verðtryggður reikningur.
Bundinn reikningur. Hver innborgun á bakhjarli getur verið bundin 36, 48 eða 60 mánaða og er laus í einn mánuð að þeim tíma loknum og síðan aftur bundin en uppsegjanleg með þriggja mánaða fyrirvara.

Sækja um

Vaxtatafla

Bakhjarl með reglulegum sparnaði

Bakhjarl með reglulegum sparnaði er bundinn, verðtryggður reikningur sem hentar vel fyrir þá sem vilja njóta ávöxtunar og hentar sérlega vel fyrir skipulagðan sparnað.

Verðtryggður reikningur.
Bundinn reikningur. Upphæðin er bundin til 36, 48 eða 60 mánaða og er öll upphæðin laus í 1 mánuð að þeim tíma loknum. Að innlausnartímabili loknu binst innstæðan á ný og verður frá því uppsegjanleg með þriggja mánaða fyrirvara.
Með reglulegum sparnaði tryggir þú þér ávöxtun og með verðtryggingu er sparnaðurinn tryggður gegn verðbólgu og þannig býður reikningurinn upp á stöðugleika í ávöxtun langtímasparnaðar.

Sækja um

Vaxtatafla

Gjaldeyrisreikningur

Sparisjóðurinn býður upp á gjaldeyrisreikninga í öllum helstu gjaldmiðlum. Engin þóknun er á gjaldeyrisreikningum.

Sækja um

Vaxtatafla

Spurt og svarað

Af hverju ætti ég að spara?

Það eru ýmsar ástæður fyrir því að spara. Hér má líta nokkrar ástæður:

Til að mæta óvæntum útgjöldum.
Til að eignast hluti eins og íbúð og/eða bíl.
Til þess að upplifa heiminn og ferðast erlendis.
Til þess að framkvæma hluti eins og að byggja pall eða taka baðið í gegn.

Hvað er binditími?

Binditími kallast sá tími sem ekki er hægt að millifæra af bankareikningum og upphæð reikningsins situr því bundin inni á reikningnum. Þegar reikningur er óbundinn er hægt að millifæra af reikningnum hvenær sem er. Binditími og innvextir haldast í hendur, því lengri sem binditími er, því hærri eru innvextir reikningsins.

Verðtryggður reikningur eða óverðtryggður reikningur?

Verðtryggðir reikningar eru tengdir verðbólgu svo innstæða reikningsins hækkar eftir því sem verðbólga eykst til viðbótar við vexti reikningsins. Verðtryggðir reikningar geta hentað vel til langtímasparnaðar þar sem innstæða reikningsins fylgir verðlagi í landinu.

Langtímasparnaður eða skammtímasparnaður?

Það fer allt eftir því fyrir hverju er verið að spara. Langtímasparnaður hentar vel ef byrjað er snemma og markmið sparnaðarins er t.d. innborgun fyrir íbúð. Þá getur bundinn reikningur hentað vel upp á betri kjör. Skammtímasparnaður hentar hins vegar vel fyrir sumarfríinu t.d. utanlandferð og er þá best að reikningurinn sé óbundinn.

Mánaðarleg eða árleg greiðsla vaxta?

Á ákveðnum reikningum er greiðslufyrirkomulag vaxtagreiðslna tvennskonar, annað hvort eru þeir greiddir mánaðarlega eða árlega.

Get ég stofnað sparnaðarreikning í appi og/eða Heimabanka?

Já í appinu er það hægt undir „Meira“ og „Stofna reikning“. Í Heimabanka er það hægra megin undir „Yfirlit“ og „Stofna sparnaðarreikning“.

Get ég stofnað reglulegan sparnað sjálf/ur?

Í Heimabankanum getur þú farið undir „Millifæra“ og og valið „Framvirk greiðsla“. Þar velurðu svo dagsetningu og hversu oft á að endurtaka millifærsluna.

Sæktu appið

Hafa samband

Sparnaðarreikningar