Sparisjóðurinn býður upp á listsýningu í nýju dagatali
Í lok hvers árs gefa sparisjóðirnir út dagatal og er óhætt að segja að dagatal ársins 2024 bjóði upp á listsýningu í máli og myndum. Hugmyndin á bak við dagatalið er að kynna ungt og efnilegt listafólk sem býr á landsbyggðinni. Hver einstaklingur fær einn mánuð í dagatalinu, þar sem hann kynnir sig og sína list. Auk þess gefst listafólkinu kostur á að nýta útibú sparisjóðanna fyrir listsýningar eða aðra listtengda viðburði.
Ráðgjöf varðandi dagatalið veitti Arna Guðný Valsdóttir, myndlistarmaður og kennari við listnáms- og hönnunarbraut Verkmenntaskólans á Akureyri.
Þetta er eitt af fjölmörgum verkefnum á sviði lista og menningar sem sparisjóðirnir styrkja í nærumhverfi sínu en hlutverk sparisjóðanna er að standa vörð um hagsmuni landsmanna, styrkja innviði samfélagsins og styðja við félags- og atvinnulíf í heimabyggð.
Eftirfarandi listafólk á einn mánuð hvert í dagatalinu:
- Kateryna Ilchenco
- Fríða Karlsdóttir
- Vikar Mar Valsson
- Bjarney Anna Jóhannesdóttir
- Hrafnkell Elvarsson
- Andri Freyr Arnarsson
- Ra Tack
- Heiðdís Hólm
- Hekla Björt Helgadóttir
- Egill Logi Jónasson (einnig þekktur sem Drengurinn fengurinn)
- Þórarinn Örn Egilsson – Þói
- Rakel Hinriksdóttir
Dagatalið má nálgast endurgjaldslaust í útibúum sparisjóðanna.