Áskriftarreikningur

Áskriftarreikningur er bundinn, verðtryggður reikningur sem hentar vel fyrir þá sem vilja njóta góðrar ávöxtunar og hentar sérlega vel fyrir skipulagðan sparnað. Upphæðin er bundin til 60 mánaða og er öll upphæðin laus í 1 mánuð að þeim tíma loknum. Að innlausnartímabili loknu binst innstæðan á ný og verður frá því uppsegjanleg með þriggja mánaða fyrirvara. Með áskriftarreikning tryggir þú þér góða ávöxtun og með verðtryggingu er sparnaðurinn tryggður gegn verðbólgu og þannig býður reikningurinn upp á stöðugleika í ávöxtun langtímasparnaðar.

Bakhjarl

Bakhjarl er bundinn, verðtryggður reikningur sem hentar vel fyrir þá sem vilja njóta góðrar ávöxtunar og binda upphæð sína í ákveðinn tíma. Hver innborgun á bakhjarli getur verið bundin til 36, 48 eða 60 mánaða og er laus í einn mánuð að þeim tíma loknum og síðan aftur bundin en uppsegjanleg með þriggja mánaða fyrirvara. Með bakhjarli tryggir þú þér góða ávöxtun og með verðtryggingu er sparnaðurinn tryggður gegn verðbólgu og þannig býður reikningurinn upp á stöðugleika í ávöxtun langtímasparnaðar. 

Framtíðarreikningur

Framtíðarreikningur er góður kostur fyrir mömmur, pabba, afa, ömmur og alla þá sem vilja leggja góðan grunn að framtíð barns. Kannski verður sjóðurinn lykillinn að fyrstu íbúðinni, bílnum, draumaferðinni eða skólagjöldunum.

Reikningurinn ber hæstu vexti verðtryggðra innlánsreikninga Sparisjóðsins hverju sinni og er því tilvalinn kostur fyrir sparnað til framtíðar. Hægt er að stofna og leggja inn á reikninginn hvenær sem er fyrir 15 ára aldur barnsins.

• Ber hæstu raunávöxtun innlánsreikninga
• Engin lágmarksinnborgun
• Verðtryggður reikningur
• Reikningurinn er bundinn til 18 ára aldurs og er þá laus í 1 mánuð, en eftir það uppsegjanlegur með þriggja mánaða fyrirvara
• Kjör haldast óbreytt þótt innistæða sé ekki tekin út við 18 ára aldur 
• Hægt að semja um reglubundinn sparnað
• Hægt að leggja inn hvenær sem er fyrir 15 ára aldur barnsins

Þegar stofnaður er framtíðarreikningur fá börn Króna eða Krónu sparibauk.

Fjármunir ófjárráða barna

Gjaldeyrisreikningur

Sparisjóðurinn býður upp á gjaldeyrisreikninga í öllum helstu gjaldmiðlum. Engin þóknun er á gjaldeyrisreikningum. 

Gullárareikningur

Gullárareikningur er hávaxtareikningur fyrir 60 ára og eldri og er tilvalinn fyrir þá sem vilja háa og örugga ávöxtun. Vextir gullárareiknings reiknast tvisvar á ári. Reikningurinn hefur engan binditíma og ekki er gerð krafa um lágmarksinnistæðu. Hvorki úttektargjöld né þjónustugjöld eru á gullárareikningi.

Tromp

Tromp reikningur er laus óverðtryggður reikningur. Vextir leggjast við einu sinni á ári í desemberlok.

Vaxtaviðbót

Vaxtaviðbót Sparisjóðsins er óverðtryggður innlánsreikningur fyrir einstaklinga og fyrirtæki sem vilja auðvelda og örugga ávöxtun. Sérstaða vaxtaviðbótar felst í háum vöxtum, engum binditíma höfuðstóls og möguleika á vaxtavöxtum. 

• Vextir eru reiknaðir mánaðarlega og eru þá lausir til ráðstöfunar.
• Höfuðstóllinn er alltaf laus.
• Engin lámarks innistæða er á reikningnum.
• Vextir er breytilegir eftir innistæðu, en fimm vaxtaþrep eru á reikningnum.

VSK-reikningur

VSK-reikningur er óverðtryggður reikningur án lágmarksinnistæðu. Eins og nafnið gefur til kynna er VSK-reikningurinn hugsaður til að halda utan um þá fjárhæð sem greiða á í virðisaukaskatt annan hvern mánuð. Það gerir fyrirtækjum og sjálfstæðum atvinnurekendum kleift að halda þeirri fjárhæð sem greiða á í virðisaukaskatt aðskildri frá öðrum rekstri fram að gjalddaga. Reikningurinn einfaldar þannig allt bókhald.

Reikningurinn er opinn á gjalddaga VSK, þremur virkum dögum á undan og þremur virkum dögum á eftir. Upphæðin ávaxtast á milli gjalddaga og innistæðan er fyrir hendi þegar greiða á virðisaukaskattinn. 

• Há ávöxtun
• Án lágmarksinnstæðu
• Timabilsbundinn reikningur
• Laus í 7 daga í kringum VSK-gjalddaga
• Óverðtryggður