Sparisjóðurinn býður nú upp á rafræn skilríki á debetkortum.

Í örgjövum nýrra debetkorta eru rafræn skilríki en með þeim er hægt að auðkenna sig með öruggum hætti á Netinu og sem og í viðskiptum við Sparisjóðinn t.d. við innskráningu í Heimabanka. 

Tilkoma rafrænna skilríkja felur í sér aukna hagræðingu og minni umsýslu fyrir viðskiptavini, þjónustuveitendur, fyrirtæki og stofnanir. Viðskiptavinir Sparisjóðsins sem þegar eiga debetkort hjá Sparisjóðnum geta sótt um debetkort með rafrænum skilríkjum.

Helstu kostir rafrænna skilríkja eru:

• Notendanöfnum og lykilorðum á netinu fækkar
• Einfaldara aðgengi – aðgangur að frekari upplýsingum og þjónustu
• Aukið öryggi í samskiptum – óprúttnir einstaklingar geta ekki villt á sér heimildir
• Koma í veg fyrir fölsun – ekki er hægt að breyta gögnum eða villa á sér heimildir
• Ekki er hægt að hafna skuldbindingum sem gerðar hafa verið með rafrænum hætti (viðskiptasamningar, skattaskil, verðbréfaviðskipti o.fl.)

Virkni örgjörvans á debetkortinu er þríþætt eins og sjá má á mynd hér að neðan. 

• Auðkenning
  • Rafræn auðkenning t.d. í Heimabanka og á lokuð vefsvæði
• Undirritun
  • Hægt er að skrifa undir skjöl á öruggan hátt rafrænt
• Greiðsluvirkni
  • Öruggari greiðslur þar sem korthafi kvittar undir greiðslu með því að slá inn PIN númer

Aðstoð vegna rafrænna skilríkja má nálgast hjá þjónustuveri Auðkennis í síma 530 0000 eða með því að senda skeyti á netfangið hjalp@audkenni.is. Þjónustuver Auðkennis er opið frá 9 - 17 alla virka daga.