Debitkort

Debitkort er mjög hentugur greiðslumáti sem hægt er að nota bæði hérlendis og erlendis, í sparisjóðum, bönkum, hraðbönkum og verslunum.

Fleiri möguleikar í einu korti:

  • Kortið er jafnan tengt veltu- og/eða launareikningi
  • Snertilausar greiðslur.
  • Hægt er að greiða með því að leggja kortið að posum sem eru með snertilausa merkið.
    • Hámarksupphæð á snertilausri greiðslu er 4.999 kr.
    • Samtals geta þær mest farið í 10.500 kr. og þá kallar kortið eftir að nota örgjörva og PIN. Því miður svara sumir posar með „Notið annað kort“ en það þýðir samt að nota eigi örgjörvann.
    • Færslur eru einnig taldar þannig að hægt er að gera fimm snertilausar færslur en í sjötta skiptið þarf að nota örgjörvann og PIN.
  • Greiðslur á netinu
    • Þar sem debitkortin eru með 16 stafa kortanúmer og þriggja stafa öryggisnúmer er hægt að nota þau til að greiða á þeim stöðum sem taka við debitkortagreiðslum á netinu.
  • Alþjóðlegt VISA kort
    • Debitkort sparisjóðsins er alþjóðlegt Visa kort sem fylgir nýjustu öryggisstöðlum og tekið er við því á mun fleiri stöðum en eldri debitkortum.
  • Vottun VISA
    • Til að auka öryggi korthafa í netviðskiptum hefur verið bætt inn upplýsingum í SMS skilaboð sem korthafi fær þegar hann verslar við fyrirtæki sem er með vottun Visa.
    • Í skilaboðunum er staðfestingarkóði (Secure Code) sem korthafi þarf að slá inn til að staðfesta viðskiptin. Auk þess hefur verið bætt inn upplýsingum um nafn söluaðila og fjárhæð viðskipta.

Viðskiptavinir eru hvattir til að fylgjast með gengistöflum kortafyrirtækja er varðar gengi á erlendum færslum.
Útlán eru háð lánareglum sparisjóðsins.

Skilmálar debitkorta

 Spurt og svarað

Hvar finn ég pin númerið mitt?

Pin númer kortsins er aðgengilegt í heimabankanum þínum undir Reikningar- smellir á debetkortareikninginn- nánari upplýsingar - Sýna Pin.
Ef þú ert ekki með heimabanka er hægt að hafa samband við þinn sparisjóð.

Get ég valið mitt eigið pin númer?

Nei því miður er ekki hægt að velja sér pin númer. Númerin eru ákveðin og reiknuð út af Rapyd. 

Hvað gerist ef ég slæ of oft inn rangt pin númer?

Ef þú slærð inn rangt pin númer þrisvar eða oftar læsist kortið. Hægt er að aflæsa pin númerinu í hraðbanka. Þú getur einnig haft samband við starfsfólk sparisjóðsins sem aðstoðar þig við að aflæsa pin númerinu. 

Hvað geta snertilausar færslur verið háar?

Hámarksupphæð á snertilausri greiðslu er 8.000 kr. Samtals geta þær mest farið í 10.500 kr. og þá kallar kortið eftir að nota örgjörva og PIN. Því miður svara sumir posar með „Notið annað kort“ en það þýðir samt að nota eigi örgjörvann.

Færslur eru einnig taldar þannig að hægt er að gera fimm snertilausar færslur en í sjötta skiptið þarf að nota örgjörvann og PIN.

Hvað geri ég ef kortinu er stolið eða það týnist?

Ef þú týnir kortinu þarftu að tilkynna það sem fyrst til sparisjóðsins eða til neyðarþjónustu Rapyd í síma 525-2000, utan opnunartíma sparisjóðsins.

Eru snertilausar færslur öruggar?

Snertilausar færslur eru í notkun víðs vegar um heiminn og hafa gefið góða raun. Greiðslukort sparisjóðsins eru alþjóðleg VISA kort sem fylgja nýjustu öryggisstöðlum. Það er auðvelt að greiða snertilaust en öryggisráðstafanir lágmarka möguleika á misnotkun. 

Við viljum benda korthöfum samt sem áður að gæta vel að greiðslukortum sínum og tilkynna til okkar ef kort glatast eða því er stolið. Sé greiðslukorti með snertilausri virkni stolið og þjófurinn nær að taka af því fé án þess að nota pin númerið ber korthafi ekki ábyrgð á tjóninu. 

Einnig er mikilvægt að passa vel upp á pin númer sitt. Því miður eru dæmi um að þjófar fylgist með þegar pin númer er slegið inn og steli síðan kortinu. Slík tjón eru á ábyrgð korthafa. 

 

Fannst þér efnið á síðunni hjálplegt?