Sparisjóður Vestmannaeyja og VÍS hafa gert með sér samkomulag um að Sparisjóður Vestmannaeyja reki umboð VÍS í Vestmannaeyjum og á Höfn. VÍS verður því staðsett í afgreiðslum Sparisjóðsins á þessum stöðum. Viðskiptavinum Vildarþjónustu Sparisjóðs Vestmannaeyja bjóðast þannig betri kjör en áður á tryggingum hjá VÍS. Einnig verður öllum viðskiptavinum Sparisjóðsins boðin ókeypis ráðgjöf við að raða saman tryggingum fyrir heimilið.
Til að njóta sérkjara Sparisjóðsins og VÍS þurfa iðgjöld að vera greidd með boð- eða beingreiðslum.